אַ זומער סאָנאַטע
A Summer Sonata
Poem 1 of 95
אַ זומער סאָנאַטע
איך האָב זיך געבאָדן אין פרישע, קלאָרע וואַסער,
און האָב געזען דורך אַ ליכטיק-גרינעם שטראָם מיינע ווייסע, ווייסע פיס.
איך בין אַ באָרוועסע דורך אַ געדיכטן וואַלד אַהיים געגאַנגען,
ס'האָט שווער דער וואַלד געאָטעמט און בארוישט מיך זיס.
איך בין אַרויסגעקומען אויף אַ פעלד אַ ברייטן,
ס'האָט לאַשטשענדיק געלעקט דער ווינט מיר מיינע פיס,
ס'האָט זיך געקושט דאָס גראָז, און אפילו פון אַ גרויסער פליג;
איז ליידנשאַפטלעך צאַרט געווען דער ביס.
איך בין אַהיים געקומען פול עקסטאַז און ליבע,
האַסטיק האָט געקלאַפט מיין האַרץ, איך האָב געאָטעמט הייס,
און וואונדערלעך איז אַלץ געווען פאַר מיינע אויגן,
ווי ס'וואָלט א גליק מיט מיר געשען א גרויס.
און ווען די נאַכט איז אָנגעקומען שטיל און הויך,
האָט עפעס שאַרף אין מיר מיין האַרץ גענאָגט, געצויגן,
ווי ס'וואָלט געקושט מיך עמיץ אין דער נאַכט,
ווי ס'וואָלטן שלאַנגען מיך געזויגן.
A Zumer Sonate
Ikh hob zikh gebodn in frishe, klore Vaser,
Un hob gezen durkh a likhtik-grinem Shtrom mayne vayse, vayse Fis.
Ikh bin a Borvese durkh a gedikhtn Vald aheym gegangen,
S'hot shver der Vald geotemt un baroysht mikh zis.
Ikh bin aroysgekumen oyf a Feld a breytn,
S'hot lashtshendik gelekt der Vint mir mayne Fis;
S'hot zikh gekusht dos Groz, un afile fun a groyser Flig
Iz laydnshaftlekh tsart geven der Bis.
Ikh bin aheym gekumen ful Ekstaz un éibe,
Hastik hot geklapt mayn Harts, ikh hob geotemt heys,
Un vunderlekh iz Alts geven far mayne oygn,
Vi s'volt a Glik mit mir geshen a groys.
Un ven di Nakht iz ongekumen shtil un hoykh,
Hot epes sharf in mir mayn Harts genogt, getsoygn,
Vi s'volt gekusht mikh emits in der Nakht,
Vi s'voltn Shlangen mikh gezoygn.
A Summer Sonata
I bathed in fresh, clear waters,
and saw through a light-green stream my white, white feet.
I walked home barefoot through a thick forest,
the woods breathed heavily and sweetly besieged me.
I came out onto a wide field,
the wind caressingly licked my feet,
the grass kissed itself, and even from a big fly;
the bite was passionately tender.
I came home full of ecstasy and love,
my heart was beating fast, I was breathing hot,
and everything was wonderful before my eyes,
as if a great luck was coming towards me.
And when the night arrived, quiet and hot,
something sharp then gnawed and pulled at my heart,
as if someone had kissed me in the night,
as if snakes were sucking me.
← / → previous & next poem·1–4 toggle columns·hover a line to align all versions